أشعار ومقتطفات

قصيدة: أبشرك ياللي تبي طيحتي قمت / مبارك الحجيلان

مبارك الحجيلان

كلمات القصيدة

قفلت بابك يالمجامل وعزمت! .. ولا خير في شخص يرد بكلامه
على كثر ما كنت وافي وقدمت .. قاموا يحطوبي عيوب وملامه!
بموت ما والله لطيبي تندمت .. نادم على المعروف بأهل الرخامه
وميت من الخذلان باللي تعشمت .. ومستغرب لطعنة خوى واتهامه
ياما انظلمت ولا بيوم تظلمت .. العمر يمضي وآخر العمر خامه
الحين انا من كل موقف تعلمت .. ولازادت النكبات زدت بفهامة
عرفت بأني لو نجحت وتقدمت .. لابد من شخصٍ يصوّب سهامه
وعرفت وين الفرق كاني تحيزمت .. رفيق عز ولا رفيق الندامة
وعرفت كيف الصبر يومي تألمت .. وكيف إني اهزم ضيقتي فابتسامة
ماقمت افكر بالبشر وأعمل بصمت .. ولاشوف عدواني / أشوف الزعامة
عاهدت نفسي ما تراجع وحرمت .. ما ألتفت صوب الردي والهلامة
وأبشرك ياللي تبي طيحتي قمت .. والله لاموت ولا تموت الكرامة
تركت لك كل الحكي، ما تكلمت .. صمتى يبي يهزمك شهر انهزامه
ببقى آنا مثلي انا، ما تحطمت .. بعامل الصادق بصدق وشهامة
والوافي لامنّه طلب شي، تممت .. لو احذف عقالي واحذف العمامة
والا الرخوم افرح بهم لا تراخمت .. ولازم الاعبهم مثل لعب دامه
أحقر رفيق اللى معه لو تخاصمت! .. يبوح بأسرارك ويعلن خصامه
وأوفى رفيق اللي ليا شافك أقدمت .. يقدم ومتساوي مقامك مقامه
الغالي لا سلّم من القلب سلمت .. ومن باعني برخيص مع السلامة

فيديو قصيدة الحين أنا من كل موقف تعلمت

كلمات الشاعر : مبارك الحجيلان

إقرأ أيضا  طريد الليل .. البحر البسيط
السابق
طرق إرسال رسالة واتسب whatsapp لرقم غير مسجل لديك
التالي
تعرف على ميزات اسوس فون 2 ASUS ROG Phone 2 الذي سيصدر قريباً وسيكون نقلة نوعية لمحبي الألعاب

اترك تعليق

avatar
  اشتراك  
نبّهني عن